Gennadıı Golovkın «Astana» kásibı prezıdenttik sport klýbyna enetin bolady
ASTANA. 12 qarasha. QazAqparat - Qazaqstandyq boksshy, WBA chempıony Gennadıı Golovkın «Astana» kásibı prezıdenttik sport klýbyna enetin bolady, dep habarlaıdy Vesti.kz klýbtyń bas menedjeri Aıdar Mahmetovke silteme jasap.
Onyń sózine qaraǵanda, bul oqıǵa erteń, 13 qarashada oryn almaq.
Aıta keteıik, 11 qarasha kúni G. Golovkın Astanaǵa kelgen bolatyn. Sportshynyń sapary jeke jáne iskerlik máselelerdi sheshý úshin jasaldy dep habarlanǵan edi.
Oǵan qosa, «Astana» klýbynyń qataryna fýtzalda ÝEFA Kýbogynyń qazirgi ıegeri almatylyq «Qaırat» kirýi yqtımal degen habar qyrkúıektiń basynda málim etildi.
Klýb quramyna «Astana» velokomandasy, «Barys» hokkeı klýby, «Astana» basketbol klýby, Astana Dakar Team rallı-komandasy, «Astana» fýtbol klýby, Astana Arlans boks ujymy, sý doby jáne polo quramalary, «Qazaqstan Barysy» ulttyq kúresi engen. Sonymen qatar ziltemirshi Ilıa Ilın men mánerlep syrǵanaýshy Denıs Ten jeke joba retinde qarjylandyrylady. Endi olardyń qataryna G.Golovkın qosylmaq.
