Gennadıı Golovkın, Arýjan Saın jáne Dımash Qudaıbergen «Halyq súıiktisi» atandy (FOTO VIDEO)

ASTANA. QazAqparat - Búgin Astanada «Halyq súıiktisi» júldesiniń ıeleri marapattaldy. Aıta keteıik, 2015 jyldyń 25 qarashasy men 15 jeltoqsany aralyǵynda «lubimec.kz» saıtynda halyq ər salada óz «súıiktisine» daýys bergen bolatyn.

Sonymen, búkil halyqtyq daýys berýdiń nətıjesinde «Jyldyń qoǵam qaıratkeri» nomınatsııasynda Arýjan Saın, «Jyl sportshysy» nomınatsııasynda Gennadıı Golovkın, «Jyl dərigeri» nomınatsııasynda Serik Aqsholaqov, «Estrada ərtisi» nomınatsııasynda Dımash Qudaıbergen, «Jyldyń telejýrnalısi» nomınatsııasynda «Qazaqstan ulttyq telearnasynyń» júrgizýshisi Meıirjan Əlibek, «Kıno bedeli» nomınatsııasynda Nurtas Adambaı, «Jyl pýblıtsısi» nomınatsııasynda Jarqyn Túsipbekuly «Halyq súıiktisi» atandy.

Al, «Jyldyń úzdik ınternet basylymy» nomınatsııasynda KerekInfo.kz saıty, «Jyldyń úzdik jobasy» nomınatsııasynda Qazaq geografııa qoǵamdastyǵy, «Jyldyń úzdik radıosy» nomınatsııasynda «Juldyz FM» radıostantsııasy úzdik dep tanyldy.