Gennadıı Golovkın armanyn aıtty
ASTANA. QazAqparat - Orta salmaqta WBA (Super), WBC jáne IBF boıynsha álem chempıony, qazaqstandyq boksshy Gennadıı Golovkın kópten kútken armany jaqynda oryndalatynyn aıtty, dep jazady sports.kz.
Sportshynyń aıtýynsha, ol Anglııadaǵy jankúıerlerin jaqsy kóredi eken jáne Ulybrıtanııada jekpe-jek ótkizý- onyń armandarynyń biri. Ol birneshe ret Ulybrıtanııada kezdesý ótkizýge tyrysqan, alaıda onyń kópten kútken jekpe-jegi endi ǵana bolady.
Aıta keteıik, 10 qyrkúıek kúni Londonda Gennadıı Golovkın men brıtandyq jartylaı orta salmaq boksshysy Kell Brýk arasynda jekpe-jek ótedi.
«Maǵan Ulybrıtanııanyń jankúıerleri unaıdy. Ol jaqtyń adamdary boksty túsinedi. Men birneshe ret Tom Lefflerden sol jerde kezdesý uıymdastyrýyn suradym . ıÝbenkpen nemese Bıllı Djo Sonderspen jekpe-jek ótkizgim keldi. Alaıda, Lefler maǵan biz olarmen ýaqyt joǵaltyp alǵanymyzdy aıtty. Endi bizde Brýkpen kelisim bar. Men bul jekpe-jekke qýana kelistim. Men Brýkty syılaımyn, ol jaqsy boksshy», - dedi Golovkın.
