Gennadıı Golovkın árdaıym jeńisin anasyna birinshi habarlaıdy
ASTANA. QazAqparat - WBA (Super), IBO, WBC (Interim) jáne IBF nusqalary boıynsha orta salmaqtaǵy Álem chempıony, qazaqstandyq Gennadıı Golovkın (34-0, 31 KO) amerıkalyq boksshy Domınık Ýeıdke (18-0, 12 KO) qarsy jekpe-jek ótkizip, 2 raýndta tehnıkalyq nokaýtpen jeńiske jetti.
Los-Andjelestiń «Forým» arenasynda ótken kezdesýdi «Qazaqstan» Ulttyq telearnasy men kaztrk.kz saıty tikeleı efırde kórsetti. Aıta keteıik, kaztrk.kz saıtynyń ózinen bir mezette 14000 myńnan asa jankúıer kezdesýdi tamashalady. 1000-nan astam jankúıer úlken led-ekrannan tikeleı efırde tamashalap, Gennadıı Golovkınge qoldaý bildirdi.
Sonymen qosa, jeńiske jekten Genanyń anasymen «Tańsholpan» baǵdarlamasynda tikeleı efırde baılanys ornatyp, qandaı áserde otyrǵanynan habardar boldyq, dep habarlaıdy «Qazaqstan» RTRK» AQ baspasóz qyzmeti.
«Qazirgi ýaqytta men qatty qobaljyp otyrmyn, Gena bosaǵan soń eń aldymen maǵan habarlasyp, qýanyshymen bólisedi. Men ulymnyń barlyq jekpe-jegin ótkizbeýge tyrysamyn, ár kezde ýaıymdap otyramyn. Barlyq qazaqstandyqtarǵa qoldaý kórsetkenderi úshin úlken alǵysymdy bildiremin» - dep Gennadıı Golovkınniń anasy Elızaveta Sergeevna Golovkına «Qazaqstan» Ulttyq arnasynyń tikeleı efırinde qýanyshymen bólisti.
