Gennadıı Golovkın amerıkandyq Ishe Smıtpen jekpe-jek ótkizedi
ALMATY. Qarashanyń 16-sy. QazAqparat /Erlik Erjanuly/ - Gennadıı Golovkın qarashanyń 21-inde Germanııanyń Kıle qalasynda Búkilálemdik boks uıymynyń (WBO) nusqasy boıynsha qurlyqaralyq chempıony ataǵyn qorǵaıdy,
dep habarlaıdy QazAqparat.
Gennadııdiń bul jolǵy qarsylasy amerıkandyq Ishe Smıt. 72,6 kelige deıingi salmaqta qazir qazaqstandyq Búkilálemdik boks keńesi (WBC) jáne Búkilálemdik boks uıymynyń (WBO) reıtınginde birinshi, al Búkiládemdik boks qaýymdastyǵynyń (WBA) reıtınginde 2-shi satyda tur. Áýesqoı boksta Olımpıada oıyndarynyń kúmis júldegeri atanǵan Genadıı 2006 jyldan beri kásipqoı boksta baq synap júr. Buǵan deıin 17 kezdesý ótkizgen 28 jastaǵy Qaraǵandy qalasynyń túlegi onyń bárinde (14 nokaýtpen) mereıi ústem boldy. Al 1978 jyly shildeniń 22-sinde ómirge kelgen Ishe Smıt osy ýaqytqa deıin 21 kezdesý ótkizip (9-y nokaýtpen), onyń tórteýinde qarsylasynyń myqtylyǵyn moıyndaǵan bolatyn.
