Gennadıı Golovkın álemniń úzdik boksshylary reıtınginde tómen syrǵydy

NUR-SULTARN. QazAqparat – Qazaqstandyq boksshy Gennadıı Golovkın (42-1-1, 37 KO) álemniń úzdik boksshylary reıtınginde kóshbasshy pozıtsııasynan aıyrylyp qaldy, dep habarlaıdy QazAqparat VKontakte áleýmettik jelisindegi «Qazaqstannyń kásipqoı boksy» paraqshasyna silteme jasap.

Boxrec.com saıty japondyq Rıota Mýratany (16-3, 13KO) jeńgen Golovkınniń reıtıngin kezekti márte jańartty.

Endigide Gennadıı Golovkın salmaq sanatyna qaramastan barlyq boksshylar engen (pound-for-pound) BoxRec reıtınginde ekinshi orynda tur. Onyń upaıy – 688,7. Aıta keteıik, atalǵan resýrs GGG-di Mýratamen aıqastan keıingi kelesi kúni birinshi orynǵa shyǵarǵan bolatyn.

Boxrec.com reıtınginde birinshi oryn qaıtadan maksıkalyq boksshy Saýl «Kanelo» Alvareske (57-1-2, 39KO) berildi, 869,7 ball.

Álemniń úzdik boksshylarynyń úshtigin amerıkalyq Terens Kroýford (38-0, 29KO) túıindep tur, 513,6 ball.⠀

Eske salaıyq, bıylǵy 9 sáýirde Rıota Mýratamen jekpe-jekte Gennadıı Golovkın WBA Super, IBF jáne IBO nusqalary boıynsha orta salmaqtaǵy álem chempıony beldikteriniń ıesi boldy.