Gennadıı Golovkın álem chempıony Aıdos Sultanǵalımen kezdesti

ASTANA. KAZINFORM – Qazaqstan Ulttyq Olımpıadalyq komıtetiniń prezıdenti Gennadıı Golovkın grek-rım kúresinen álem chempıony Aıdos Sultanǵalımen kezdesti.

Komıtet málimetinshe, kezdesý barysynda UOK basshysy sportshyny 2025 jyly Horvatııanyń Zagreb qalasynda ótken álem chempıonatynda jeńip alǵan altyn medalimen quttyqtady.

Eske sala keteıik, Aıdos Sultanǵalı 60 kelige deıingi salmaq dárejesinde top jaryp, sońǵy 26 jylda jáne XXI ǵasyrda Qazaqstannyń grek-rım kúresindegi alǵashqy altyn júldesin el qorjynyna saldy.

– Aıdos joǵary sheberlik pen tabandylyq tanytty. Onyń jeńisi – kóp jylǵy eńbektiń jáne maqsatqa júıeli túrde umtylýdyń nátıjesi. Bul jetistik tek grek-rım kúresi úshin ǵana emes, jalpy qazaq sporty úshin de úlken mańyzǵa ıe. Endi osy qarqyndy saqtap, Los-Andjelestegi Olımpıada oıyndaryna tyńǵylyqty daıyndyqty jalǵastyrý qajet. Ulttyq Olımpıadalyq komıtet óz tarapynan barlyq qajetti qoldaýdy kórsetýge daıyn. Aıdosqa jańa olımpıadalyq maýsymda sáttilik pen tabys tileımin, - dedi Gennadıı Golovkın.

Aıta keteıik, Aıdos Sultanǵalı buǵan deıin de 2018 jáne 2022 jyldary álem chempıonatynyń qola júldegeri atanǵan. Sondaı-aq onyń enshisinde qurlyq birinshiligindegi jeńis te bar.

Prezıdent grek-rım kúresinen álem chempıony Aıdos Sultanǵalıdy quttyqtady.

Astanalyqtar kúresten álem chempıony Aıdos Sultanǵalıdy kútip aldy.