Gennadıı Golovkın Alvarespen úshinshi jekpe-jek úshin qansha gonorar alady

NUR-SULTAN. QazAqparat - The Athletic basylymynyń jazýynsha, qazaqstandyq boksshy Gennadıı Golovkınniń Meksıka boksshysy Saýl Alvarespen úshinshi jekpe-jegi úshin kepildengen gonorar somasy - 30 mıllıon AQSh dollary, dep habarlaıdy Sports.kz.

Golovkınniń mansabynda tirkelgen barlyq syıaqynyń ishinde bul – rekordtyq soma.

Buǵan deıin 38 jastaǵy qazaqstandyqtyń kepildendirilgen gonorary 15 mıllıon dollar edi. Bul somany DAZN Golovkınge kanadalyq Stıv Rolls jáne Ýkraına boksshysy Sergeı Derevıanchenkomen judyryqtasqany úshin bergen.

The Athletic sondaı-aq «Kanelonyń» Golovkınmen úshinshi ret judyryqtasqany úshin alatyn gonorar somasyn da jazdy. Meksıkalyq juldyzǵa ol úshin kepildi túrde 45 mıllıon dollar tólenedi.