Gennadıı Golovkın AQSh-qa baryp, jattyǵý zaldaryn kórdi
ASTANA. KAZINFORN - Qazaqstan Ulttyq Olımpıada komıtetiniń prezıdenti Gennadıı Golovkın jáne UOK bas hatshysy Álimjan Aqaev is-saparmen AQSh-tyń Kolorado-Sprıngs qalasyndaǵy AQSh Ulttyq Olımpıadalyq komıtetiniń Olımpıadalyq jáne Paralımpıadalyq jattyǵý ortalyǵynda (USOPC) boldy, dep habarlaıdy Olympic.kz.
AQSh UOK ókilderi sport keshenin tanystyryp, boks, oq atý, kúres, júzý jáne jeńil atletıka syndy sport túrlerine arnalǵan jattyǵý zaldarynyń múmkindikterin kórsetti.
Sondaı-aq, USOPC qyzmetkerleri nýtrıtsıologııa jáne sport ǵylymy salasyndaǵy zertteý bóliminiń qyzmetin egjeı-tegjeıli tanystyrdy. Budan bólek, Qazaqstan UOK delegatsııasy kópfýnktsıonaldy jattyǵý zaly men medıtsınalyq kampýstyń jaǵdaıyn zerttedi.
Aldaǵy ýaqytta Qazaqstan quramasynyń sportshylary úshin osy sport kesheninde oqý-jattyǵý jıyndaryn uıymdastyrý josparlanýda.
Aıta keteıik, Gennadıı Golovkın AQSh-qa World Boxing Halyqaralyq boks federatsııasynyń Kongresine qatysý úshin barǵan edi.
