Gennadıı Golovkın 26 sáýirdegi jekpe-jegin ótkizbeıtin boldy
ASTANA. QazAqparat - WBA nusqasy boıynsha orta salmaqta Álem chempıony Gennadıı Golovkın ákesiniń qaıtys bolýyna baılanysty 26 sáýirde Nıý-Iorkte ótetin sharshy alańdaǵy kezdesýi bolmaıtyndyǵyn málim etti.
Bul týraly qazaqstandyq boksshynyń promoýteri Tom Leffler habarlady, dep jazady vringe.com.
«Búgin biz Gennadııdiń menedjerinen onyń 26 sáýirdegi dodaǵa qatysa almaıtyndyǵyn bildik. Ótken aptada Gennadııdiń bapkeri Abel Sanchespen birge Qazaqstanda, ákesiniń janazasynda bolyp qaıttyq. Golovkınniń otbasyna bul oqıǵa aýyr tıdi jáne oǵan barsha jaýapkershilik júktelip otyr. Eske alý salty sharalary 40 kún boıy jalǵasady, sondaı-aq Gennadıı jalǵyz qalǵan anasynyń qamyn oılaýy tıis. Sondyqtan da boksshy óziniń sporttyq mansabyn jalǵastyratyndyǵy jaıynda ózi aıtpasa, men onyń qaıtyp oralýyn syrttaı talqylaı almaımyn», -deıdi Leffler,
Esterińizge sala keteıik, Gennadııdiń sońǵy tartysty dodasy bıylǵy 1 aqpanda ótip, ol Osýmaný Adamany aıqyn basymdylyqpen jeńgen bolatyn.
