Gennadıı Golovkın Denıs Nıkıshany jeńisimen quttyqtady

ASTANA. KAZINFORM — Qazaqstandyq short-trekshi Denıs Nıkıshany Rotterdamda (Nıderland) ótip jatqan álem chempıonatyndaǵy tarıhı jetistigimen quttyqtady. Bul týraly  Olympic.kz. jazdy.

 

«Short-trekten álem chempıonatynda elimiz úshin tarıhı medal jeńip alǵanyńyzben Sizdi jáne bapkerlerińizdi shyn júrekten quttyqtaımyn! Bul jeńis kók muzdaǵy uzaq jyldar boıǵy eńbektiń, tózim men tártiptiń jemisi. Bolashaqta budan da bıik nátıje kórsetip, qazaqstandyq jankúıerlerdi qýanta berýińizge tilektespin!», - dedi UOK prezıdenti.

Aıta ketelik, short-trekten Qazaqstan quramasynyń úzdigi Denıs Nıkısha álemdik synda kúmis medal jeńip aldy. Osylaısha, ol atalǵan sport túrinen eresekter arasyndaǵy álem chempıonatynda júlde alǵan alǵashqy qazaqstandyq sportshy retinde tirkeldi.

2023 jyly Denıs 500 metrlik qashyqtyqta ISU álemdik reıtınginiń kóshin bastap, jalpy esepte top jarǵan bolatyn.

Sondaı-aq, Denıs Nıkısha jasóspirim uldar arasyndaǵy álem chempıonatynda júlde alǵan jalǵyz qazaqstandyq sportshy. Ol 2014 jáne 2015 jyldary úshinshi orynnan kórindi. 2014 jylǵy álemdik synda 500 metrge júgirýden jasóspirimder arasyndaǵy álem rekordyn ornatqanyn da eske salǵan jón.