Genetıkter: Alpide 5000 jyldan astam ýaqyt jatqan «muz adam» - joıylyp ketken popýlıatsııa ókili
ASTANA. QazAqparat - Alpide mýmııasy 5000 jyl saqtalǵan «muz adam» joıylyp ketken popýlıatsııa ókili bolyp shyqty, onyń denesi Tırolde 1991 jyly tabylyp, Ottsı degen at qoıyldy.
Bastapqyda ony qaza tapqan alpınıst dep qabyldaǵan, keıinnen ǵalymdar onyń 5000 jyl buryn ómir súrgenin anyqtady. Denesi muz bolyp qatqandyqtan dene jaqsy saqtalyp, oǵan osy ýaqytqa deıin eshkimniń qoly tımegen, dep jazady Rosbalt.
Onyń kene borrelıozymen syrqattanǵany, áke jaǵynan jaqyn týystary - Tırren teńiziniń jaǵalaýy men Sardınııa turǵyndary ekeni belgili boldy. Budan basqa muz adam ınfarktqa beıim bolǵan jáne sút ishe almaǵan, sebebi onda sút qantyn kótere almaıtyn gen anyqtaldy.
Ottsı men onyń anasy jaǵynan týystary Tırol Alpisiniń baıyrǵy turǵyndary. Bul shaǵyn, tuıyqtalǵan popýlıatsııa taýdan alystamaı, Ortalyq Eýropanyń basqa turǵyndarymen aralas-quralastyǵy bolmaǵan. Bizdiń ýaqytqa deıin saqtalsa da, onyń artynan urpaq qalmaǵan.
