Genetıkalyq dopıng paıda bolýy múmkin be
NUR-SULTAN. QazAqparat - «Osy kúnge deıin sporttyq jetistikterge jetý úshin genomdy ózgertý jaǵdaıy tirkelmegen. Degenmen, sport álemi osy jańalyqqa daıyndalyp jatyr», - dep habarlaıdy Le Figaro.
«2002 jyly Dúnıejúzilik dopıngke qarsy agenttik genetıkalyq dopıngke qarsy alǵashqy zertteý baǵdarlamasyn jarııalady. 1998 jyly Lı Sýını atty amerıkalyq ǵalym tyshqanǵa zertteý júrgizip, genin ózgertti. Sodan keıin oǵan sportshylar men jattyqtyrýshylar kóptep habarlasa bastaǵan», - deıdi basylym. Ǵalym oǵan sportshylar habarlasa bastaǵanda-aq birden dúnıejúzilik dopıngke qarsy agenttikke málim etken.
Atalmysh gazettiń jazýynsha, «genetıkalyq dopıngtiń paıda bolýyn tejeıtin faktor kóp. Degenmen, búgingi tańda dopıngke qarsy agenttik sport qaýymdastyǵyndaǵy genetıkalyq dopıngtiń taralýyn anyqtaıtyn testiler ázirlep jatyr. Sonymen qatar genetıkalyq dopıngtiń etıkalyq máselesi de keńinen talqylanýda.
