General P.Músharraf bılik basyna qaıta kelmek - Pákistan
ASTANA. Qyrkúıektiń 11-i. QazAqparat - Pákistannyń áskerı úkimetiniń burynǵy basshysy, general Pervez Músharraf jańa saıası partııa quratynyn jáne 2013 jyly ótetin jalpyhalyqtyq saılaýǵa qatysýdy josparlap otyrǵanyn málim etti, dep habarlaıdy RBK agenttigi.
Qazir Londonda turyp jatqan otstavkadaǵy general VVS agenttigine bergen suhbatynda, Pákistannyń premeri nemese prezıdenti bolýǵa úmitti ekenin málim etken.
P.Músharraftyń aıtýynsha, qazir Pákistan qara túnekten shyǵa almaı, al el halqynyń saǵy synyp otyr. Halyq arasyndaǵy bedeliniń tómendigi Pákistannyń eks-prezıdentin oılandyryp otyrǵan joq. Oǵan qosa, general ózine taǵylǵan kez-kelgen aıyptaýlarǵa jaýap berýge ázir ekenin málim etýde.
Kezinde bılik basyna áskerı tóńkeristiń nátıjesinde kelgen P.Músharraf AQSh-tyń óńirdegi negizgi odaqtastarynyń biri sanalatyn. Onyń qoldaýynyń arqasynda amerıkandyqtar Aýǵanstanda tálibterge qarsy áskerı operatsııany sátti júrgize alyp edi. Soǵan jaýap retinde ıslamdyq ekstremıster Pákistan úkimetine soǵys jarııalap, áskerı kolonnalarǵa jáne polıtsııa beketterine shabýyldar jasaıtyn. Pákistannyń kóp azamattary, P.Músharraftyń otstavkaǵa ketýi eldegi zorlyq-zombylyqty toqtatady dep sanaǵan edi. General prezıdenttik ókilettigin 2008 jyldyń tamyz aıynda tapsyrdy.
