«General Motors» taǵy bir mıllıon kólikti qaıtaryp jatyr
ASTANA. QazAqparat - Amerıkalyq «General Motors» avtokólik kontserni otaldyrý tetigindegi problemalarǵa baılanysty barsha álem boıynsha shaǵyn lıtrajdy taǵy mıllıonǵa jýyq kólikti qaıtaryp jatyr.
Tekserý barysynda kóliktiń atalǵan tetigindegi aqaýǵa oraı birneshe júzdegen oqıǵalar tirkelip, onyń saldarynan kem degen 12 adamnyń ómiri qıylǵan kórinedi. Kompanııanyń habarlaýynsha, qaıtarylyp jatqan kólikterde, ıaǵnı negizinen 2007-2011 jyldary shyǵarylǵan jáne AQSh-ta satylǵan osy mashınalarda otaldyrý tetigi barlyq elektrondy júıeniń ajyratylýyna sebepshi bolýy múmkin.
Aqpan aıynda GM 1,6 mıllıonnan astam eski modelderdi qaıtarý týraly sheshim shyǵarǵan bolatyn.
Sonymen qatar kontsernge onyń kólikterindegi ózge de kemshilikterge baılanysty tekserý júrgizilýi múmkin. Atap aıtqanda, avtokólikterde qaýipsizdik jastyǵynyń durys iske qosylmaýy sekildi jaǵdaılary baıqalǵan eken.
