General Motors kemshiligi bar 100 myńdaǵan kólikti keri qaıtaryp jatyr
ASTANA. QazAqparat - AQSh-tyń iri avtokontsernderiniń biri General Motors tejegish júıesinen aqý shyqqanyna baılanysty 100 myńdaǵan avtomobıldi kólik ıelerinen keri qaıtarýdy qolǵa aldy, dep habarlady VVS.
Kompanııanyń habarlaýynsha, kemshilik Cadillac markaly kóliginiń tejegishinen tabylǵan. Keri qaıtarylatyn kólikterdiń deni AQSh pen Kanadada. Sonymen qatar, kompanııa tehnıkalyq kemshilikterden jol apaty oqıǵalary tirkelmegenin aıtty.
Aıta keteıik, mamyr aıynda AQSh bıligi jeńil avtokólikterdegi otaldyrý júıesiniń kemshiligine baılanysty kólikterdi der kezinde qaıtarýdy qolǵa almaǵandyqtan General Motors kompanııasyna 35 mln. dollar aıyppul salǵan bolatyn.
