General Motors búkil álem boıynsha 500 myńǵa jýyq kólikti keri qaıtaryp almaq
ASTANA. QazAqparat - Amerıkalyq iri avtoóndirýshi General Motors birqatar aqaýlardyń anyqtalýyna oraı álem boıynsha 500 myńǵa jýyq kólikterin keri qaıtaryp almaq. Bul týraly juma kúni ITAR-TASS-qa kompanııa ókilderi málimdedi.
Keri qaıtarylatyn kólikter 2014-2015 jyldardaǵy modeldi Chevrolet Silverado jáne GMC Sierra pıkaptary, sondaı-aq 2015 jylǵy modeldi Chevrolet Tahoe, Chevrolet Suburban jáne GMC Yukon jol talǵamaıtyn kólikteri, atap aıtqanda barlyǵy 467 myńǵa jýyq. Kontsern mamandarynyń derekterine súıensek, tolyq jetekti kólik jaraqtalǵan taratý qoraptarynyń aqaýy saldarynan kólik qozǵalǵan kezde dóńgelekpen qozǵaltqyshtyń baılanystyń buzylýy múmkin. Sarapshylardyń aıtýynsha, kólik toqtap turǵan kezde kólik artqa júrip ketýi múmkin.
General Motors atap ótkendeı, atalmysh pıkaptar men jol talǵamaıtyn kólikterdiń 20 myńǵa jýyǵy AQSh pen Kanadadan tys jerlerge satylǵan. Kompanııa ókilderinde atalǵan aqaý boıynsha jol apatyna sebep bolǵan derekter joq.
Habarlanǵan servıstik aktsııada 33 myńnan astam 2013-2014 jyldardaǵy modeldi General Motors kóligi de bar. Kompanııa ókilderiniń aıtýynsha, bul kólikterdiń qaýipsizdik jastyǵynyń kemshiligin túzetý qajet, jol apaty oryn alǵan jaǵdaıda, jastyq ashylmaı qalýy múmkin nemese júrgizýshini jaraqattap durys iske qosylmaýy múmkin. General Motors derekteri boıynsha mundaı aqaýdan bir adam zardap shekken.
Kompanııa sondaı-aq 2013-2014 jyldardaǵy modeldi. Chevrolet Caprice polıtseı kólikterin jáne 5 myń 2014 jylǵy úlgidegi Chevrolet SS sporttyq sedandardy keri qaıtarady. General Motors túsindirýinshe, olardyń tereze tazalaǵyshy durys jumys istemeıdi.
2014 jyldyń basynda avtokompanııa aınalasynda janjal órbidi. Aqpan men naýryzda kontsern álem boıynsha óndirýshilerge 2001 jyly belgili bolǵan otaldyrý júıesinde bolǵan aqaýǵa baılanysty 2,6 mln. kólik keri qaıtarǵan. Aqaý qozǵalys kezinde qozǵaltqyshtyń sónýine ákelgen. Bul tejegish júıesinde irkilis týdyryp, onyń saldarynan qaýipsizdik qurylǵysy óship qaola jazdaǵan. Bul aqaý keminde 13 adamnyń qazasyna sebep boldy.
General Motors kórsetkendeı, jyldyń basynan bastap kompanııa 20 mln.-nan astam kólikti keri qaıtardy. Sarapshylardyń aıýynsha, iri amerıkalyq avtoóndirýshi avtomobılderdi keri qaıtarý sany boıynsha 2004 jylǵy óz rekordynan asyp tústi. Onda kontsern 10,75 mln. kólikti keri qaıtarǵan.
