General-maıor Erkin Botaqanov «Altyn Adam» syılyǵynyń laýreaty atandy
Oblys ákimdiginiń baspasóz qyzmeti taratqan aqparattarǵa qaraǵanda, Almaty qalasynda, Abaı atyndaǵy Memlekettik Akademııalyq Opera jáne balet teatrynda «Altyn Adam» ulttyq syılyǵynyń laýreattaryna Altyn sarbazdyń músinshesi tabys etildi. Elimizdiń qurmetti jáne tanymal azamattarynan qurylǵan qazylar alqasy 2017-shi jylǵy mádenıet, bıznes, medıtsına, óner, mass-medıa jáne sport salasyndaǵy úzdikterdi atady.
«Ortalyq» aımaqtyq qolbasshylyǵynyń qolbasshysy general-maıor Erkin Botaqanov «Otan aldyndaǵy qyzmet» nomınatsııasynda «Jyl tulǵasy» atandy.
Erkin Botaqanov - Qazaqstan Respýblıkasynyń ІІM eńbek sińirgen qyzmetkeri. Osyǵan deıin QR ІІM ishki ásker Qolbasshysynyń orynbasary, Bas shtabtyń basshysy bolǵan. 2014-shi jyldan bastap Qaraǵandy oblysynda ornalasqan «Ortalyq» aımaqtyq qolbasshylyǵyna Qolbasshy laýazymyna taǵaıyndalǵan bolatyn.
«Jyl tulǵasy - Jyl tańdaýy» festıvali halyqaralyq dárejege ıe jáne Qazaqstan Qyrǵyzstan, Ózbekstan, Ýkraına jáne Belarýs sııaqty TMD-nyń bes elinde ótedi. Jyl saıyn jobanyń qorytyndysy resmı aýdıtten ótedi.
«Jyl tulǵasy» - «Jyl tańdaýy» ulttyq jobasy saıasattan alshaq jáne kommertsııalyq shar bolyp tabylady.
