General-maıor Ádilbek Aldabergenov Arys mektepterinde erlik sabaqtaryn ótkizdi

ARYS. QazAqparat – QR QK Bas shtaby bastyǵynyń orynbasary, general-maıor Ádilbek Aldabergenov Arys qalasyndaǵy mektepter men kolledjderde bilim alatyn jastarmen kezdesti. Erlik sabaqtaryn ótken áskerı shendi óskelei urpaqqa el aldyndaǵy boryshty óteý, patrıotızm, namys pen erlik kórsetken qazaqstandyq batyrlar týraly aıtyp berdi, dep habarlaıdy QazAqparat tilshisi.

General oqýshylarǵa áskerı bólimderge esimi berligen qyzmetshiler jaıynda, sondaı-aq qazaqstandyq áskerdiń qazirgi jaǵdaıy men sarbazdardyń batyldyqtary týraly aıtty. «Jer betinde kóptegen bedeldi, paıdaly jáne qajetti mamandyqtar bar. Sondaı-aq Otan qorǵaý mamandyǵy degen bar! Jáne bul barlyq ýaqytta da qasıetti! Áskerı qyzmetshiler – bul, eń aldymen, bizdiń qaýipsizdigimiz. Áskerı mamandary jumysynyń máni, olar kún saıyn sizder men bizder úshin, beıbit ómir súrip, jumys isteýge, balalardy tárbıelep, bolashaqqa jospar qurýymyz úshin – óz ómirlerin qaýip qaterge tigedi», – dedi general-maıor Ádilbek

Aldabergenov. QR QK Bas shtaby bastyǵynyń orynbasary kásibı mereke qarsańynda ustazdardy quttyqtap, olardyń ósip kele jatqan urpaqty tárbıeleýge qosqan úlesin atap ótti. Sondaı-aq oqýshylarǵa densaýlyq, tabandylyq jáne oqýda tabys tilep, ózderi qalaǵan mamandyqtary boıynsha JOO túsýine sáttilik tiledi. Oqýshylar kezdesýge belsendi túrde qatysyp, kókeılerinde júrgen suraqtaryn qoıdy. Sabaqtan keıin balalar generalmen birge aǵash kóshetterin otyrǵyzyp, respýblıkalyq ekologııalyq saǵat aktsııasyn qoldady. Aıta keteıik, general-maıor Ádilbek Aldabergenov Aýǵanstandaǵy soǵys ardageri. Ol áskerı qyzmettegi áskerı eńbegi men jetistikteri úshin joǵary áskerı nagradalarmen marapattalǵan.