General depýtattar áýejaılardyń jeke menshikke berilýine alańdap otyr

ASTANA. QazAqparat - Búgin QR Parlamenti Májilisiniń bir top depýtattary Úkimet basshysyna depýtattyq saýal joldady. Ony depýtat Vladıslav Kosarev oqyp berdi, dep habarlaıdy QazAqparat tilshisi.

«Bizdiń depýtattyq saýalymyz Úkimettiń 2015 jylǵy 30 jeltoqsandaǵy №1141 qaýlysyna qatysty. Onda áýejaılardy básekelestik ortaǵa berý týraly aıtylǵan. Bizdińshe, atalǵan qaýly áýejaılardyń áskerı-strategııalyq maqsattaryna tolyǵymen sáıkes kelmeıdi. Osyny jan-jaqty zerdelep, ońtaıly sheshim tabý qajet», - dedi V.Kosarev.

Onyń aıtýynsha, depýtattyq saýalǵa Qazaqstannyń Halyq Komýnısteri partııasynyń músheleri, sondaı-aq general-leıtenant Baqytjan Ertaev pen general-leıtenant Abaı Tasbolatov qol qoıdy.

Aıta keteıik, otyrys kezinde depýtat Balaıym Kesebaeva Qyzylorda men Qostanaı oblystarynda ýaqytty ózgertý máselesin kóterdi. Sebebi qazirgi ýaqyttyń tártibi xalyqtyń densaýlyǵyna keri áserin tıgizip otyr. 

Foto: ru.jerturaly.kz