Gendik túrlendirilgen ónimderdi tańbalaýdyń jańa tártibi bekitildi

ASTANA. QazAqparat - Eýrazııalyq ekonomıkalyq komıssııa gendik túrlendirilgen ónimderdi tańbalaý tártibin bekitti, dep habarlaıdy QazAqparat EEK baspasóz qyzmetine silteme jasap.

Atalǵan komıssııa 20 jeltoqsannan bastap gendik túrlendirilgen quramdarǵa (GTQ)  qatysty azyq-túlik ónimderin mindetti tańbalaý týraly sheshim qabyldady.

EEK alqasynyń múshesi Valerıı Koreshkovtyń aıtýynsha, Komıssııanyń jańa talaby tutynýshylarǵa durys tańdaý jasaýǵa kómektesedi.

Eger GTQ 0,9% asyp ketken jaǵdaıda qoıylady. «GTQ» «EAS» Eýrazııa ekonomıkalyq odaq naryǵyndaǵy ónimder aınalymynyń biryńǵaı belgisimen qatar qoıylady. Sonymen qatar ol «EAS» belgisiniń kólemi men pishine sáıkes kelýi kerek.  

Tehnıkalyq talaptardyń ózgerýi, óndirýshilerdi óz ónimderindegi «GTQ» mólsheriniń qanshalyqty ekendigin tutynýshyǵa kórsetýge mindettep otyr.

Aıta keteıik, buǵan deıin mundaı aqparat óte usaq áriptermen jazylyp kelýi de múmkin.