Genderlik bıýdjettendirý qaǵıdalaryn engizýdiń tıimdiligi qandaı
Jobany QR Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa jáne QR Din isteri jáne azamattyq qoǵam mınıstrligi men «Azamattyq bastamalardy qoldaý ortalyǵy» kommertsııalyq emes aktsıonerlik qoǵamynyń memlekettik granty aıasynda Qazaqstannyń isker áıelder qaýymdastyǵy júzege asyryp keledi.
Qazirgi tańda genderlik qaǵıdalardy, dálirek aıtqanda, genderlik bıýdjettendirýdi engizý ózekti máselelerdiń birine aınalýda. Sebebi genderlik bıýdjettendirý halyqtyń áleýmettik qorǵalýyn qamtamasyz etýge baǵyttalǵan mańyzdy qural bolyp tabylady. Jalpy alǵanda, genderlik bıýdjet áıel men er adamdardyń, qyz jáne ul balalardyń múddeleri men qajettilikterin birkelki jáne ádiletti túrde esepke alatyn bıýdjet bolyp esepteledi.
Genderlik bıýdjettendirý qaǵıdalaryn engizýdiń tıimdi jaǵy bundaı bıýdjettendirý bıýdjet qarajatyn kóbeıtýge emes, qolda bar bıýdjettiń ádiletti túrde bólinýine baǵyttalady.
Qazirgi ýaqytta álemniń 100 memleketinde genderlik bıýdjettendirýdiń túrli bastamalary óz qoldaýyn taýyp otyr. Kanada, Avstralııa, Shvetsııa, Frantsııa, Norvegııa jáne Ispanııa sııaqty damyǵan memleketterde genderlik bıýdjettendirý isi resmı bıýdjettik úderistiń bólimine aınalýda.
Qazaqstan Respýblıkasynyń bıýdjetinde genderlik sıpattaǵy is-sharalarǵa qarajattyń maqsatty túrde bólinýine qaramastan, elimizde genderlik bıýdjettendirý tehnologııasy áli de tolyqtaı ıgerilmegen. Sol sebepti, oryn alǵan jaǵdaıǵa baılanysty, genderlik bıýdjettendirýdi engizý isi taıaýda qabyldanǵan «Qazaqstan Respýblıkasyndaǵy 2030 jylǵa deıingi otbasylyq jáne genderlik saıasat tujyrymdamasynyń» negizgi mindetteriniń birine aınalǵan.
Dóńgelek ústel nátıjesi boıynsha Qazaqstan Respýblıkasyndaǵy genderlik bıýdjettendirýdi engizý isi boıynsha usynystar qabyldanatyn bolady. Jobanyń iske asyrylýy genderlik bıýdjettendirýdiń tıimdiligi jóninde halyqtyń keńinen aqparattandyrylýyna úles qosady dep boljanýda.
Jobanyń júzege asyrylýyn qorytyndylaý jáne Qazaqstanda genderlik bıýdjettendirý máselesi boıynsha usynystar qabyldaý maqsatynda ótkizilgen dóńgelek ústel otyrysyna QR Prezıdenti janyndaǵy áıelder isteri men otbasylyq-demografııalyq saıasat jónindegi Ulttyq komıssııa músheleri, QR Parlmenti Májilisiniń depýtattary, memlekettik organdardyń, BUU damý baǵdarlamasynyń, JOO-nyń ókilderi jáne ózge de seriktester qatysty.
