Genanyń upaıy túgel bolǵanmen, halyq jeńis kútti - Bolat Jumadilov

ASTANA. QazAqparat - Bokstan Olımpıada oıyndarynyń eki dúrkin kúmis júldegeri Bolat Jumadilov qazaqstandyq boksshy Gennadıı Golovkın men meksıkalyq Saýl Alvarestiń jekpe-jegine baılanysty pikirimen bólisti, dep habarlaıdy QazAqparat tilshisi.

«Gena ataǵyn, beldikterin qorǵap qaldy. Bul qýanshyty jaǵdaı. Biraq halyqtyń kútkeni jeńis edi ǵoı. Aıqas teń nátıjemen aıaqtaldy. Bul sheshimge óz basym kelispeımin. Tóreshi emes, boksshy retinde aıtarym, Gena sál ǵana basymdylyqpen utty. Mundaı kezde tóreshiler kimge jumys jasaý kerektigin biledi. Kásipqoı boksta aıqyn basymdylyqpen utpasań, óte qıyn. Gena endi ózi qalaı sheshim shyǵarar eken, kóremiz», - dedi Bolat Jumadilov.