Gemofılııamen aýyratyn múgedekter qaýymdastyǵy bergen osy aýrýmen aýyratyn naýqastardyń sany jáne olardy emdeý preparattarynyń jetkiliksizdigi jónindegi málimetter anyq emes - Densaýlyq saqtaý mınıstrligi
ASTANA. Qańtardyń 26-sy. QazAqparat. Qazirgi kezeńde gemofılııamen naýqastar tirkelimindegi málimetter boıynsha esepte 568 patsıent tirkelgen, onyń 384-i eresekter.
Salystyrmaly kórsetkishtermen alǵanda, bul 100 myń er adamǵa 9,1 quraıdy. Kórsetilgen málimetter 100 myń er adamǵa 9-11 álemdik kórsetkishterine sáıkes kelip otyr. Gemofılııa aýrýy ereksheligin eskere otyryp, qan ketý kezinde kómek kórsetý qajettiligine baılanysty naýqastar mindetti túrde dárigerdiń nazarynda bolady, sondyqtan olar avtomatty túrde dıspanserleýge jatqyzylýy tıis jáne tirkelimge engiziledi, dep habarlaıdy Mınıstrliktiń baspasóz qyzmeti.
2004 jyldan beri balalardy jáne 18 jasqa deıingi jasóspirimderdi VIII jáne IX faktorlarymen ambýlatorııalyq deńgeıde emdeý úshin dárilik qamtamasyz etý jergilikti bıýdjet qarajaty esebinen júzege asyrylady.
2009 jyldan beri Qazaqstan Respýblıkasy Densaýlyq saqtaý mınıstrligi gemofılııamen aýyratyn eresek naýqastardy qannyń uıýy A jáne V faktorlarymen (VIII ı IX) emdeýdiń ambýlatorııalyq- profılaktıkalyq baǵdarlamasyn jasaýǵa bastamashylyq etti. Jalpy soma 373 naýqasqa 135 mlrd. teńgeni qurady. Qan faktorlarynyń quny 1 naýqasqa sanaǵanda 8,2 mln. teńgeni qurady. Qajettilikti qurý naýqastardyń halyqaralyq standarttar boıynsha óńirlik tirkelimi málimetterine negizdeldi.
Preparattar 2009 jyldyń naýryz - sáýir aılarynda satyp alyndy, sondyqtan olar shilde aıynda jetkizildi. Óńir gematologtary patsıentterdiń salmaǵyn eskere otyryp, qan uıýy faktorlaryna degen qajettilikti, naýqas qanyndaǵy faktor deńgeıin, qan ketý jıiligin taldaý negizinde gemofılııamen aýratyn naýqastardy dárilik zattarmen qamtamasyz etý kestesin jasady. Birqatar óńirlerde preparattardy saqtaý múmkindikteriniń bolmaýyna baılanysty naýqastardyń qolyna tek bir jyldyq qor berýge ruqsat etildi. Qazirgi kezeńde óńirlerde qan uıýy faktorlarynyń jartyjyldyq qory bar, qan uıýy faktorlarynyń jetispeýshiligi týraly patsıentter tarapynan shaǵymdar túsken joq.
2010 jyly 384 eresek patsıentti qamtamasyz etý úshin respýblıkalyq bıýdjetten 3,4 mlrd. teńge bólý josparlanyp otyr, al 184 bala buryńǵydaı jergilikti bıýdjet qarajaty esebinen qamtamasyz etiledi.
Budan basqa Mınıstrlikke «OCTAPHARMA» (Belgııa) kompanııasynan ótinish kelip tústi. Bul kompanııanyń túrli elderde álemdik standarttar men DDU talaptaryna sáıkes keletin qazirgi zamanǵy óndiristik alańdary bar, sondaı-aq ol 80 elde óz ónimin bosatady.
Kompanııa, eger Qazaqstan qan plazmasy túrinde shıkizat jetkizip otyrsa, ákelinetin ónimge (qan preparattary) baǵany 25% -dan asa mólsherge tómendetýdi usyndy. Bul usynysty qabyldaǵan jaǵdaıda, Qazaqstannyń preparattardy kóp mólsherde satyp almaı, uzaq merzimdi shart negizinde qan komponentterimen óndirýshi zaýyttan tikeleı úzdiksiz qamtamasyz etilýge múmkindigi týady. Bul kelisimshart fraktsııalaýynyń úzdiksiz óndiristik úrdisi arqasynda múmkin bolmaq.
Osyǵan baılanysty Qazaqstan tek osyny ǵana emes, basqa da óndirýshi zaýyttardyń usynystaryn qaraýda.
Bul shara 2010 jyly kózdelgen gemofılııamen aýyratyn naýqastarǵa arnalǵan preparattardy satyp alý kólemine áser etpeıtinin aıtyp ótý qajet. Gemofılııamen aýyratyn naýqastar úshin qan preparattaryn satyp alýǵa arnalǵan tenderlik sharalar 2010 jyldyń aqpanynda, byltyrǵy jylmen salystyrǵanda, 2 aı erte bastalmaq.
