Gemofılıemen aýyratyn syrqattarǵa alǵash ret endoprotezdeý tásilimen kúrdeli operatsııalar jasaldy

Bul ońdy oqıǵa týraly búgin «Ulttyq medıtsınalyq holdıng» aktsıonerlik qoǵamynyń Basqarma tóraǵasynyń orynbasary Tamara Vaşenkova jýrnalıstermen bolǵan brıfıngte aıtty.

Onyń sózine qaraǵanda, Respýblıkalyq jedel medıtsınalyq járdem ǵylymı ortalyǵy ulttyq medıtsınalyq holdıngke kiretin 6 mekemeniń biri. «Ulttyq medıtsınalyq holdıng osydan eki jyl buryn Memleket basshysynyń bastamasymen qolǵa alynǵan. Onyń aldynda búginde basty eki másele tur. Birinshiden, holdıngke qarasty mekemelerde emdelýshiler sapaly ári qaýipsiz medıtsınalyq kómek alýlary kerek. Ekinshiden, bizdiń ortalyqtar jańa tehnologııalardy engizý men damytý isinde aldyńǵy qatardy turýlary tıis. Úshinshiden, bizdiń klınıkalar ekonomıkalyq jaǵynan turaqty bolýlary qajet. Al búgin biz jetkizip otyrǵan qýanyshty jańalyqtar holdıngtiń aldyna qoıylǵan mindetter sátti jalǵasyn taýap jatyr degendi bildirse kerek», - dedi tóraǵanyń orynbasary.

Gemofılııa óte aýyr dert. Al elimizde bul syrqatqa 700-den astam adam shaldyqqan. Sondaı-aq 140-tan astam jan osy aýrýdyń zardabyn tartýda. «Bul óte kúrdeli másele. Al býyndardy aýystyrýmen baılanysty qıyn operatsııalardyń elimizde júrgizile bastaǵandyǵy úlken jetistik dep bilemin. Naqty málimettermen aıtatyn bolsaq, búginde biz 15 adamǵa osyndaı kúrdeli operatsııany sátti jasadyq. Jalpy gemofılııa týraly áńgime qozǵalǵanda aıtalatyn birinshi másele, ony asqyndyryp almaý. Sondyqtan biz osy ýaqytta atalmysh derttiń aldyn alýǵa jiti kóńil bólip otyrmyz», dedi T.Vaşenkova.