Gemodıalızge arnalǵan eritindi jetkizý quny 12%-ǵa tómendedi - «SQ-Farmatsııa»
ASTANA. QazAqparat - Aýrýhanalarǵa tegin dári-dármekti jetkizý úshin medıtsınalyq otandyq óndiristen talap etiletin gemodıalızge arnalǵan kontsentratsııalanǵan eritindini jetkizý quny 12% - ǵa tómendedi. Bul týraly «SQ-Farmatsııa» kompanııasynyń baspasóz qyzmeti habarlady,
Biryńǵaı dıstrıbıýtor arqyly jetkizý úshin 1 tamyzdan bastap baǵany tómendetý jónindegi sheshimdi qazaqstandyq «BIRUNIFARM» («BIRÝNIFARM») ónerkásibi qabyldady.
«BIRUNIFARM» bas dırektory Ádilbek Jabaǵınovtyń aıtýynsha, jyl saıyn Biryńǵaı dıstrıbıýtor arqyly gemodıalızge arnalǵan eritindini satyp alý qazaqstandyq naýqastar úshin qymbattap barady. «Árıne, kepildendirilgen memlekettik tapsyrys otandyq óndiristi damytý úshin eń kúshti oń áserin tıgizetin faktor, ol bizge sheteldik óndirister naryǵynda básekege qabilettilikte tózimdilik tanytýǵa kómektesedi. Al Biryńǵaı dıstrıbıýtordyń satyp alý kóleminiń ósýi arqasynda biz tipti bul ónimge baǵany 12% -dan artyq tómendete aldyq», - dep atap ótti Ádilbek Jabaǵınov.
«Bul rette kompanııa ónimi únemi qaýipsizdigi men sapasyn baǵalaýdan ótip turady jáne árqashan barlyq normatıvtik standarttarǵa saı keledi», - dep atap ótti Ádilbek Jabaǵınov.
Dárilik zattar jáne medıtsınalyq buıymdar satyp alý boıynsha «SQ-Farmatsııa» basqarma tóraǵasy Maksım Kasatkınniń aıtýynsha, mundaı bıznestiń áleýmettik jaýapkershiliginiń kórinisi, ıaǵnı satyp alý baǵasynyń tómendeýi otandyq óndirýshiniń óz bastamasy boıynsha júrýi jıi ótkizilmeıdi. Ónim qunynyń tómendeýinen únemdelgen bul qarajat aýrýhana bıýdjetinde qalyp, keıin qosymsha dári-dármek satyp alýǵa qaıta bóliný múmkindigin atap ótken jón. «Ónim berýshi tarapynan mundaı qadam - aýrýhanalar úshin tegin emdelip shyqqan naýqastardyń sanyn kóbeıtýge múmkindik. Olardyń isi basqa kompanııalarǵa da úlgi bolady dep úmittenemin», - dep qosty Maksım Kasatkın.
Aıta keterligi, «BIRUNIFARM» biryńǵaı dıstrıbıýtormen 7 jyl boıy medıtsınalyq maqsattaǵy buıymdardy uzaq merzimdi jetkizý sharty sheńberinde yntymaqtastyqta. Mundaı sharttar birneshe jyl boıy otandyq farmatsevtıkalyq óndirýshilerdi memlekettik tapsyryspen, ıaǵnı olardyń ónimderi úshin kepildendirilgen ótkizý naryǵymen qamtamasyz etedi, bul óz kezeginde óz óndirisin senimdi túrde josparlap qana qoımaı, salaǵa eleýli ınvestıtsııalar tartý múmkindigin beredi.
