Gematologııalyq aýrýlalarmen aýyratyn balalar qannyń sapaly komponentterin paıdalanýlary kerek- konferentsııa
ASTANA. 8 maýsym. QazAqparat /Aıdar Ospanalıev/ -«Qan quıý ortalyqtaryn qan daıyndaıtyn zamanǵa saı quraldarmen jabdyqtaý tıisti tehnologııalar engizýdi de qajet etip otyr. Sondyqtan qan komponentterin apparattyq jolmen daıyndaý sharasyn keńeıtý qajet»,- deıdi Transfýzıologııa ǵylymı-óndiristik ortalyǵynyń dırektory Jandos Búrkitbaev.
Onyń sózine qaraǵanda, qan komponentterin apparattyq jolmen daıyndaý resýrs únemdeýshi tehnologııa bolyp tabylady. Sondyqtan qan komponentterin daıyndaýda eski tájirıbeden birtindep arylǵan jón. «Buǵan qosa gematologııalyq aýrýlalarmen aýyratyn balalar men ózge de patsıentterge basymdyq berip, olar qannyń sapaly komponentterin paıdalanýlary kerek. Sondaı-aq leıkofıltratsııa qyzmetin 100 paıyz júzege asyrý qajet»,-dedi Ortalyq dırektory.
