Gektarlyq sýbsıdııaǵa tek kúrish pen maqta alqaptary ıe bolady

ASTANA. QazAqparat - Qazaqstanda gektarlyq sýbsıdııaǵa tek kúrish pen maqta alqaptary ıe bolady. Bul týraly búgin Agrarlyq saıasat keńesiniń otyrysynda QR Aýyl sharýashylyǵy vıtse-mınıstri Tóleýtaı Raxymbekov málim etti, dep xabarlaıdy QazAqparat.

«Alynyp tastalǵan 11 sýbsıdııanyń ishinde 8-i gektarlyq sýbsıdııa. Endi gektarlyq sýbsıdııaǵa tek kúrish pen maqta alqaptary ıe bola alady. Sebebi kóptegen dándi daqyldardy sýbsıdııalaýdyń tıimdiligi tómen jáne agroónerkásiptik keshen sýbektilerin qarjylandyrýdyń bul ádisinde kóp jaǵdaıda jemqorlyq beleń alǵan», - dep atap ótti Raxymbekov.

Vıtse-mınıstrdiń aıtýynsha, gektar úshin bólinetin sýbsıdııa egin egiletin jerlerdi arnaıy komıssııanyń qaraýynan keıin beriletin. Biraq ondaı tekseristerdi barlyq alqaptarǵa júrgizý tipti múmkin emes. Agroónerkásiptik keshendi damytý baǵdarlamasy aıasynda aýyl sharýashylyǵyndaǵy sýbsıdııalardy bólýdiń erejelerine engizilgen ózgeristerdi saralaı kele, Raxymbekov endi budan bylaı joǵary suranysqa ıe dándi daqyldarǵa úlken nazar aýdarylatynyn málim etti. Atap aıtqanda, bul - maıly daqyldar, mal azyǵyna qoldanylatyn jemder, qant qyzylshasy.

Aıta keteıik, bunyń aldynda xabarlanǵanyndaı, Aýyl sharýashylyǵynda sýbsıdııa bólý erejelerine ózgerister engiziledi .