GeeBee boks týrnırinde bes qazaqstandyq jeńimpaz atandy
ASTANA. QazAqparat - Helsınkıde bokstan 37-shi halyqaralyq GeeBee týrnıri óz máresine jetti, oǵan 6 qazaqstandyq sportshy qatysty, dep habarlaıdy QazAqparat Qazaqstannyń boks federatsııasyna silteme jasap.
Alty sportshy da aqtyq synǵa jetken, biraq Oljas Baınııazov sheshýshi aıqasta frantsýz sportshysynan jeńilip, kúmis júldeni qanaǵat tutty. Bes qazaqstandyq boksshy altyn júldege qol jetkizdi.
2017 jylǵy álem chempıony Qaırat Eralıev 5:0 esebimen majarstandyq boksshy Nandor Choktan basym tústi. Azııa jáne álem chempıonatynyń júldegeri Abylaıhan Júsipov te dál osyndaı kórsetkishpen brıtandyq Harrıs Akbardy jeńdi. Olımpıadanyń kúmis júldegeri Vasılıı Levıt ýkraınalyq Konstantın Pınchýkty, Kamshybek Qońqabaev - brıtandyq Solomon Dakrosty súrindirdi.
Keshtiń kórkin qyzdyrǵan aıqas - Bek Nurmaǵanbet pen reseılik Artem Ageevtińjekpe-jegi boldy. 40-sekýndta Bek qarsylasyn nokaýtqa jiberip, chempıon atandy.
Osylaısha, tolyq emes quramda kelgen qazaqstandyqtar bes altyn jáne bir kúmis medalmen jalpykomandalyq esepte birinshi oryndy enshiledi.
