Gee Bee halyqaralyq týrnıriniń fınalyna tórt qazaqstandyq boksshy shyqty

NUR-SULTAN. QazAqparat – Fınlıandııanyń Helsınkı qalasynda bokstan ótip jatqan Gee Bee halyqaralyq týrnıriniń fınalyna tórt qazaqstandyq boksshy shyqty, dep habarlaıdy QazAqparat tilshisi.

Atap aıtar bolsaq, 57 keli salmaqta el namysyn qorǵap jatqan otandasymyz Qaırat Erálıev jartylaı fınalda frantsııalyq Djordan Rodrıgesti utsa, 69 kelidegi Aslanbek Shymbergenov fınlıandııalyq qarsylasynan basym túsip fınalǵa ótti.

91 kelide synǵa túsip jatqan Nurlan Saparbaı da jartylaı fınalda fınlıandııalyq boksshydan aılasyn asyrdy.

Sondaı-aq, asa aýyr salmaqta el namysyn qorǵap jatqan jerlesimiz Saǵyndyq Toǵambaı jartylaı fınalda reseılik Ivan Sagaıdakty jeńdi.

Al jartylaı fınalda qarsylastaryna jol bergen Bek Nurmaǵanbet (81 keli) pen Dilmurat Mıjıtov (63 keli) úzdik úshinshi orynnan kórinip, atalǵan týrnırdi qola medalmen aıaqtady.