Gebbelstiń hatshysy 106 jasynda qaıtys boldy
ASTANA. QazAqparat - Mıýnhende 106 jasqa kelgen Brýngılda Pomzel ómirden ozdy. Ol úsh jyl boıy natsıstik Germanııa Halyq aǵartý jáne úgit-nasıhat mınıstri Iozef Gebbelstiń jeke hatshysy bolǵan, dep habarlaıdy Associated Press.
2016 jyly Pomzel týraly «Nemis ómiri» atty derekti fılm túsirgen rejısser Krıstıan Krenes ájeıdiń ólimin rastady. Onyń aıtýynsha, B.Pomzel óz úıinde, uıqy ústinde baqıǵa attanǵan.
Brýngılda Pomzel 1911 jyly 11 qańtarda Berlınde dúnıege keldi.Ol 1942 jyldan 1945 jylǵa deıin Gebbelstiń qaramaǵynda jumys istegen. 1945 jyldyń 1 mamyrynda reıhsmınıstr men áıeli Magda Adolf Gıtler býnkerinde alty balasyn ýlap óltirip, ózderine qol saldy. Natsıstik Germanııa soǵysta tize búkken soń, B.Pomzel tutqyndalyp, bes jylǵa bas bostandyǵynan aıyryldy. Ol 1950 jyly túrmeden shyǵyp, 21 jyl boıy ARD telearnasynda jumys istedi.
