«Gazprom» Japonııa rynogyna kiredi
ASTANA. 27 qazan. QazAqparat - Reseılik «Gazprom» Japonııadaǵy jobalarǵa qyzǵýshylyq bildirýde. Kompanııa ókilderi qazirdiń ózinde Mitsui, Mitsubishi jáne TEPCO kompanııalaryndaǵy japondyq áriptesterimen eldegi elektr energetıka jobalaryna qatysý múmkindigin talqylady, dep jazady bnews.kz portaly «Izvestııa» gazetine silteme jasap.
Kompanııa habarlamasynda aıtylǵandaı, reseılik kompanııanyń basqarma tóraǵasynyń orynbasary Aleksandr Medvedev qatysqan kezdesýlerde energetıka salasyndaǵy reseı-japon yntymaqtastyǵynyń bolashaǵy qaraldy.
«Atap aıtqanda, «Sahalın-2» jobasy sheńberinde Japonııaǵa gaz jetkizý máselelerine, Japonııa aýmaǵynda elektr energetıkasy jobalaryna «Gazprom» AAQ-nyń qatysý múmkindigine erekshe kóńil bólindi», - dep habarlandy «Gazpromnan».
