«Gazprom» jáne CNPC Qytaıǵa gaz jetkizýdiń keńeıtilgen negizgi sharttaryna qol qoıdy
BEIJІŃ. Qyrkúıektiń 28-i. QazAqparat /Rýslan Súleımenov/ - Dúısenbi, qyrkúıektiń 27-si kúni Beıjińde RF Prezıdenti Dmıtrıı Medvedev pen QHR Tóraǵasy Hý Tszıntao arasynda ótken kelissózderdiń qorytyndylary boıynsha «Gazprom» men CNPC Qytaıǵa gaz jetkizýdiń keńeıtilgen negizgi sharttaryna qol qoıdy.
«Biz kelesi jyldyń ortasyna deıin kommertsııalyq kelisimsharttarǵa qol qoıylady dep kózdep otyrmyz», - dedi Beıjińde jýrnalısterge RF vıtse-premeri Igor Sechın.
Infraqurylym, baǵyttar, ken orny, gaz jetkizý kózi, sonymen qatar qarjy salasyndaǵy ózara is-qımyl sııaqty yntymaqtastyqtyń barlyq elementteri qarastyrylýda. «Ózara túsinisý bar. Osy elementter boıynsha kelisimderge qol jetkizilip, 2015 jyldan bastap gaz jetkizýdi bastaıtyndyǵymyzǵa kúmán joq», - dep atap ótti vıtse-premer.
I.Sechın Reseıdiń Qytaıǵa jalǵyz ózi gaz jetkizýge daıyn ekendigine de toqtaldy.
