«Gazprom» AQSh-qa gaz tasymaldaýdy bir jarym esege kóbeıtpek
ASTANA. 19 aqpan. QazAqparat - «Gazprom» kompanııasy 2011 jyly tabıǵı gazdyń AQSh qa tasymaldaý kólemin 50 paıyzǵa kóbeıtýge bel býyp otyr. Bul týraly Lenta.rý Reuters silteme jasaı otyryp habarlady.
Gazprom Marketing and Trading USA (GMT USA) basshysy Djon Hattenbergerdiń aıtýynsha, «Gazpromnyń» amerıkandyq enshiles kompanııasy 2010 jyldyń ekinshi jartysynda kúnine 57 mıllıon tekshe metr gaz satqan. 2011 jyly bul kórsetkishti 85 mıllıon tekshe metrge jetkizý josparlanyp otyr.
GMT USA AQSh aýmaǵynda tabıǵa gazdy satýdy 2009 jyldyń kúzinde bastaǵan bolatyn, alaıda, osydan keıin taqtatas gazynyń óndirisin kúrt ulǵaıtýǵa qol jetkizilgen bolatyn. Nátıjesinde, aımaqta gaz baǵasy kúrt tómendep, AQSh gaz óndirisinen Reseıdi basyp ozǵan bolatyn.
