Ǵazız Baıtasov atyndaǵy avtojarys márege jetti

 Qazaqstannyń ishki ister organdarynyń 20 jyldyǵyna arnalǵan bul shara bir aptaǵa sozyldy. Oǵan qatysýshylar Qaraǵandy, Jambyl jáne Almaty oblystarynda boldy.

«Halyqaralyq mártebege ıe bolǵan bul avtojarysqa qatysqan Qazaqstan, Qyrǵyzstan,  Belorýs elderiniń  ishki ister organdary men Halyqaralyq polıtseıler qaýymdastyǵynyń ókilderi kúnniń alǵashqy jartysynda qalalyq ishki ister departamentinde boldy. Olar mekeme ǵımaraty aldynda óz qyzmetin óteý kezinde qaıtys bolǵan polıtsııa qyzmetkerlerge qoıylǵan eskertkishke gúl shoqtaryn qoıdy.  Saltanatty jıynda qaıtys bolǵan 12 almatylyq  polıtseılerdiń jarlary, ákeleri men balalaryna departament basshysy Erlan Turǵymbaev gramotalar men estelik syılyqtar tapsyrdy», - deıdi deparatamenttiń baspasóz qyzmetiniń bastyǵy Saltanat Ázirbek. Onyń aıtýynsha, qonaqtar polıtsııa qyzmetkerleriniń óz kúshimen qoıylǵan merekelik kontsertti jáne  departament mýzeıin tamashalaýǵa múmkindik aldy.