Ǵazız Ábishev: Prezıdent «Amanat» partııasyn ujymdyq basqarýǵa tapsyrýy múmkin

NUR-SULTAN. QazAqparat – Prezıdent «Amanat» partııasyn ujymdyq basqarýǵa tapsyrýy múmkin. Saıası sholýshy Ǵazız Ábishev QazAqparattyń suhbat alańynda osyndaı pikir bildirdi, dep habarlaıdy QazAqparat tilshisi.

«Prezıdenttiń partııa basshylyǵynan ketetini týraly áńgime onyń ornyna tóraǵalyqqa basqa adam keledi degendi bildirmeýi múmkin. Memleket basshysy partııany ujymdyq basqarýǵa tapsyrady degen nusqa bar. ıAǵnı, partııa basshylyǵy kóshbasshy tulaǵadan ujymdyq tıpke aýysady. Múmkin, jalǵyz tóraǵanyń ornyna hatshylyq quram nemese saıası bıýro basqarýy múmkin. Bul partııany burynǵydaı adamnyń tóńiregine emes, ıdeıanyń toptasatyn ıdeologııasy myǵym ınstıtýtsıonaldy kúshke aınaldyrady», - dedi saıası sholýshy.

Sarapshynyń aıtýynsha, mundaı tásil partııa men saıası júıeni turaqty etedi.

«Biz bir shekten ekinshi shekke umtyla beremiz. Partııa eldiń senimi úshin kúres júrgizýi kerek. Ol úshin majorıtarlyq júıege oralý qajet. Adamdar óz daýysy úshin kúresip, daýys berýshilermen tikeleı baılanysqa túsýi kerek», - dep tolyqtyrdy Ǵazız Ábishev.