Gazıanteptiń Nýrdagy qalasynda Qoja Ahmet ıAsaýı atyndaǵy mektep ashyldy
ASTANA. KAZINFORM – Qasym-Jomart Toqaev pen Rejep Taııp Erdoǵan beınebaılanys rejımi arqyly Túrkııada boı kótergen Qoja Ahmet ıAsaýı atyndaǵy mekteptiń ashylý saltanatyna qatysty. Bul týraly Aqordanyń baspasóz qyzmeti habarlady.
Gazıantep provıntsııasynyń Nýrdagy qalasynda ornalasqan zamanaýı bilim oshaǵynda 32 bastaýysh jáne 4 mektepke deıingi synyp qarastyrylǵan. Ǵımarattyń jalpy aýdany – 6 myń sharshy metr.
Bilim berý kesheni mamandandyrylǵan oqý kabınetterimen, zerthanalarmen, májilis zalymen, kitaphanamen jabdyqtalǵan.
Mektep aýmaǵynda amfıteatr, sport jáne balalar oıyn alańdary men qazaqtyń ulttyq kıiz úıi stılinde jasalǵan shatyrlar bar.
Qurylys barysynda joba Túrkııanyń qaýipsizdik talaptary men qazirgi normalaryna saı jetildirilip otyrdy.
Óńirdiń ereksheligine beıimdelgen ınjenerlik sheshimder arqyly seısmıkalyq qaýipsizdik, ylǵaldan saqtaý jáne jylý únemdeý júıeleri qoldanyldy.
2023 jyldyń 6 aqpanyndaǵy joıqyn zilzaladan zardap shekken óńirge arnalǵan jańa mektep salý bastamasyn Qazaqstan Prezıdenti Qasym-Jomart Toqaev kótergeni belgili.
Buǵan deıin habarlaǵanymyzdaı, Qasym-Jomart Toqaev pen Rejep Taııp Erdoǵan Qazaqstan – Túrkııa Joǵary deńgeıdegi strategııalyq yntymaqtastyq keńesiniń altynshy otyrysyn ótkizdi.
