Ǵajaıyp Úndistan: Astanada úndi mádenıeti kúnderi bastaldy
NUR-SULTAN. QazAqparat – Úndistannyń táýelsizdik kúnine oraı, elordada «Ǵajaıyp Úndistan: tańǵalarlyq kópqyrly mádenıet» fotokórmesi ashyldy, dep habarlaıdy QazAqparat tilshisi.
Kórme «Úndistan festıvaldary», «Úndistannyń tarıhı oryndary», «Úndistannyń janýarlar álemi» jáne «Úndistan qalyńdyqtary» atty tórt negizgi bólimnen quralǵan.
«Búgin kórmeni ashyp qana qoımaımyz, Úndistannyń táýelsizdik merekesin toılaımyz. 15 tamyz kúni Úndistannyń 73-shi táýelsizdik merekesin atap ótemiz. Sonymen birge, bıyl ultymyzdyń birtýar tulǵasy Mahatma Gandıdiń 150 jyldyq meerıtoıy ótedi. «Ǵajaıyp Úndistan» kórmesinde eń úzdik fotosýretter tańdap alyndy. Bul bólimder jastarǵa da, eresekterge de qyzyqty bolýy úshin irikteldi», - dedi Úndistannyń Qazaqstandaǵy elshisi Prabhat Kýmar.
Fotokórme 16-19 tamyz kúnderi QR Ulttyq akademııalyq kitaphanasynda ótedi. Kirý tegin. Bul kúnderi Úndistannyń táýelsizdik kúni qurmetine qalada úndi ashanasy festıvali, úndi kınokórsetilimi syndy birqatar mádenı sharalar ótedi.
Úndistan – birneshe mádenıet toǵysqan, tarıhy baı memleket. XVIII ǵasyrdyń ortasynda úndi sýbkontınenti brıtandyq Ost-Ind kompanııasynyń, XIX ǵasyrda – Brıtandyq korona baqylaýyna ótti. XIX ǵasyr sońynda otarlaýǵa qarsy ulttyq qozǵalys bastaldy jáne 1947 jyly Mahatma Gandı tusynda Úndistan táýelsizdik aldy.
