«Ǵajaıyp Býrabaı» baıqaýynda «QazAqparat» tilshileri úzdik atandy
KÓKShETAÝ. QazAqparat - Aqmola oblysynda «Aqmola Tourism Awards» syılyǵy jáne BAQ ókilderi arasyndaǵy «Ǵajaıyp Býrabaı» baıqaýynyń jeńimpazdary marapattaldy, dep habarlaıdy QazAqparat tilshisi.
BAQ arasynda ótken «Ǵajaıyp Býrabaı» baıqaýynyń jeńimpazdary «Úzdik telebaǵdarlama», «Basylymdaǵy úzdik maqala», «Úzdik radıobaǵdarlama» jáne «Úzdik ınternet-jarııalanym» atalymdary men júldeli 3 oryn jáne kórermen kózaıymy syılyǵymen marapattaldy.
«Aqmola oblysynda týrızmniń damýyna zor kóńil bólinip otyr. Memleket basshysy bizderge úlken mindetter artyp otyr. Biz osy maqsattarǵa jetý úshin bar kúsh-jigerimizdi salýǵa salýǵa tyrysamyz. Buǵan bizderge týrıstik bıznes pen BAQ qoldaý bildirýde. Sizderdiń arqalaryńyzda óńirimizge jyl saıyn kóptegen týrıster kelip, sapaly qyzmet uynylýda», - dep atap ótti aımaq basshysy Málik Myrzalın.
«Úzdik ınternet jarııalanym» atalymy boıynsha QazAqparat tilshileri Oksana Matasova men Damır Baımanov júldeli oryn aldy.
Sonymen qatar, sharada birinshi óńiraralyq «Aqmola Tourism Awards» syılyǵynyń ıegerleri, eń úzdik týrıstik kompanııa, jaıǵastyrý nysandary, shıpajaı-kýrortty mekeme, týrısttik keshen, gıdter-ekskýrsovodtar marapattaldy.
