Gazǵa qosylý protsesin avtomattandyrý úshin elektrondy saýda alańy engiziledi
«Bıýrokratııadan aryltý jónindegi sharalardy iske asyrý aıasynda 2022 jyly mınıstrlik Básekelestikti qorǵaý jáne damytý agenttigimen, Ulttyq ekonomıka mınıstrligimen, QazTransGaz Aımaqpen birlesip, gaz jelilerine qosylý kezindegi kedergilerdi joıý boıynsha jumys júrgizdi. Máselen, halyq úshin qajetti qujattar sany azaıtyldy. Gazben jabdyqtaý jelilerine qosylýǵa tehnıkalyq sharttar alǵan kezde qujattar sany 7-den 4-ke deıin, qurylys-montajdaý jumystary aıaqtalǵannan keıin 14-ten 9-ǵa deıin qysqartyldy», - dedi ol.
Mınıstrdiń atap ótýinshe, munan bólek, gazǵa qosylý protsesin avtomattandyrý maqsatynda QazTransGaz Aımaq elektrondy saýda alańyn engizý boıynsha jumys júrgizýde. Onda tutynýshylar kórsetiletin qyzmetterdiń qunyn, olardyń reıtıngterin negizge ala otyryp, montajdaý uıymdaryn, jabdyqtardy jetkizýshilerdi tańdaı alady.
«Qabyldanǵan is-sharalar gaz jelilerine qosylý qarqynyn arttyrýǵa múmkindik beredi. Osy baǵyttaǵy jumys jalǵasatyn bolady», - dedi Bolat Aqsholaqov.
