Gazǵa qatysty messendjerde taraǵan aqparat jalǵan - QazTransGaz
«2018 jyldyń 26- 27 shilde kúnderi WhatsApp messendjerinde belgisiz áıel dybystyq habarlama taratqan. Onda ol ózin gaz qyzmetiniń mamany retinde tanystyryp, 7 jasar qyzdan ashanaǵa baryp, gazdy tekseremin degen syltaýmen plıtadaǵy krandy ashýyn ótingen. Búldirshin krandardyń ashyq ekenin jáne ıis shyǵyp jatqanyn aıtqanda, jalǵan operator balanyń bólmesin baryp, óz isimen aınalysýyn suraıdy. Ol gaz qyzmetiniń gazdy óshirip, qosatynyn aıtyp, gazdy jappaýyn aıtady», - dep málimdedi baspasóz qyzmetinen.
«QazTransGaz Aımaq» mundaı árekettiń qaýipti ekendigin eskertti.
«Osyǵan baılanysty, «QazTransGaz Aımaq» AQ kompanııa mamandary men qyzmetkerleriniń mundaı ótinishpen eshqashan habarlaspaǵanyn málim etti. Tutynýshylarǵa gaz konforkalaryn baqylaýsyz ashýynyń qaıǵyly oqıǵaǵa, órt pen jarylysqa ákep soqtyratynyn eskertýde», - dedi uıymnan.