Gazetke oralǵan taýar: Almaty polıtsııasy esirtki dılerin ustady
«Esirtki bıznesine qarsy kúres qyzmetkerleriniń júrgizgen arnaıy is-sharasynyń nátıjesinde qalada esirtki satýmen aınalysatyn 46 jastaǵy er adam ustaldy. Tintý kezinde qaltasynda gazet býmasy tabyldy, onda erekshe ıisi bar qara-jasyl tústi bir zat salynǵan. Sonymen qatar, aıyptalýshynyń úıinen ósimdik tektes zattar salynǵan 11 gazet oramy tabyldy. Sot-hımııalyq saraptamasy tárkilengen esirtkiniń «gashısh» ekendigin anyqtady», - dedi Almaty qalalyq PD Esirtki qylmysyna qarsy kúres basqarmasynyń bastyǵy Erlan Almaǵambetov.
Polıtsııa departamenti er adamdy qamaýǵa aldy. Oǵan qatysty QR QK-niń 297-baby «Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý» boıynsha sotqa deıingi tergeý júrip jatyr.