«Gazel» júrgizýshisi Qazaqstan aýmaǵyna kirý úshin shekarashyny qaǵyp ketken
ASTANA. QazAqparat - «Gazel» júrgizýshisi Reseı-Qazaqstan shekarasyn buzyp kirý úshin aımaqtyq shekaralyq basqarmanyń qyzmetkerin qaǵyp ketken, dep habarlaıdy punkt-a.info.
Atyraý oblysy Krasnoıarsk aýdanyndaǵy Qıǵash ózeniniń ústindegi shekaralyq kópirde astrahandyq kólik júrgizýshisi mashınany toqtatýdy talap etken shekarashyny qaǵyp óte shyqqan. Aldymen tártip buzýshy qujatyn kórsetýden bas tartqan, keıin kólikti otaldyryp, júrip ketken. Biraq shekarashylar ony jyldam toqtatyp, júrgizýshini ustaǵan.
Qazirgi kezde onyń isi quqyq qorǵaý organy qyzmetkeriniń ómiri men densaýlyǵyna qastandyq jasaý faktisi boıynsha protsessýaldyq sheshim qabyldaý úshin Reseı Tergeý komıtetiniń Astrahan oblystyq tergeý basqarmasyna berilgen.
