«Gazel» qar tazartatyn traktormen soǵylyp, 1 adam jumdy-BQO
ORAL. QazAqparat – Oralda jol apatynan bir adam qaza taýyp, ekeýi jaraqat aldy, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, «Gazel» avtokóliginiń júrgizýshisi S.Shtyb kóshesimen qıylysta rýlge ıe bola almaı, toqtap turǵan qar tazartatyn traktormen soqtyǵysqan.
Sonyń saldarynan «Gazel» avtokóliginde otyrǵan áıel qaza tapty. Úsh jasar bala qalalyq kópbeıindi aýrýhanaǵa jetkizildi.
Qazirgi kezde QR QK 345-baby 3-bóligine sáıkes (abaısyzda adam ólimine soqtyrǵan jol júrý erejesin buzý) tergeý amaldary júrgizilýde.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń naqtylaýynsha, jol apatynan úsh adam zardap shekti. Jabyq bas-mı jáne basqa jaraqat alyp, mıy shaıqalǵan 38 jastaǵy áıel jedel járdem kóliginde kóz jumdy. Jabyq bas-mı jaraqatyn alyp, mıy shaıqalǵan úsh jasar bala men 40 jastaǵy er adam qalalyq kópbeıindi aýrýhanaǵa jetkizildi.
