Gazdyń jarylýynan úsh adam ajal qushty
ASTANA. QazAqparat - Reseıdiń Omby oblysyndaǵy turǵyn úıde turmystyq gazdyń jarylýynan úsh adam ajal qushty, dep habarlady óńirlik TJM basqarmasy
Bul oqıǵa Marıanov aýdanynyń Konezavod eldi mekeninde oryn aldy. Jarylys saldarynan 16 páter ornalasqan úıdiń ortańǵy bóligi opyrylyp tústi.
Sońǵy málimetter boıynsha aýrýhanaǵa toǵyz adam jetkizilgen, onyń ekeýi balalar.
Abaısyzdyqta adam ólimi faktisi boıynsha qylmystyq is qozǵaldy.
