Gazdyń ıisi shyqqanyn uıaly telefon arqyly bilýimiz múmkin
QYZYLORDA. QazAqparat - Taıaý bolashaqta ózimiz joqta úıde gazdyń ıisi shyqqanyn uıaly telefon arqyly bilýimiz múmkin. Bul jobany Ońtústik Koreıanyń Dedjon qalasynda ótken «Jas ǵalym» halyqaralyq baıqaýynda syrboıylyq darynda oqýshy Maǵjan Beketov qorǵaǵan , - dep habarlady QazAqparat tilshisi oblystyq bilim basqarmasyna silteme jasap.
Ol kompıýterdiń kómegimen gazdardyń kontsentratsııasyn anyqtaý jobasyn qorǵap, bul baıqaýda ІІ oryn aldy.
Munan ózge Dıana Valıshaeva Aral mańyndaǵy turǵyndardyń gematologııalyq parametrlerin túzetý ádisterin zerttegen. Adamdardyń densaýlyǵyna den qoıǵan Dıanaǵa ІІІ oryn buıyrdy.
Talantty oqýshylar munymen shektelip qalǵan joq. Birinshi oryn ıelengen Dinmuhammed Aqpan úsh ǵasyr máselesi bolyp esepteletin Rımannyń gıpotezasyn sheship, saldaryn zertteýge tyrysqan. Sheshimi tabylmasa da, bul eseptiń qasıetin, buryn baıqalmaǵan qyryn álem ǵalymdarynyń aldynda dáleldegen.
Al Evgenıı Demıdenko bıologııalyq protsesterdiń 4D modelderin ázirlep, І oryn ıelendi. Ol bolashaqta ІT medıtsınany damytyp, adamnyń júıke júıesimen baılanystyrylǵan protez jasaýdy maqsat etken.
