Gazdy únemdep tutynýdy yntalandyrý úshin saralanǵan baǵa belgileýdi engizý qajet - Aqsholaqov
«Memleket basshysynyń eldi gazdandyrý jónindegi tapsyrmalaryn oryndaý maqsatynda mınıstrlik gazdyń resýrstyq bazasyn tolyqtyrý jáne gaz tasymaldaý júıesin jańǵyrtý boıynsha júıeli jumys júrgizýde. Bul tapsyrmalar mınıstrliktiń turaqty baqylaýynda», - dedi mınıstr.
Sonymen qatar ol óńirlerdi odan ári gazdandyrý úshin qabyldanýy qajet qosymsha is-sharalardy atady.
«Birinshi - «Beıneý-Bozoı-Shymkent» magıstraldyq gaz qubyrynyń 2-shi tizbegin salý. Tıisti tehnıkalyq-ekonomıkalyq negizdemeni ázirleýdi bastaý usynylady. Ekinshi - turmystyq jáne kommýnaldyq-turmystyq tutynýshylarǵa gazdy únemdep tutynýdy yntalandyrý úshin saralanǵan baǵa belgileýdi engizý. Energetıka mınıstrligine Ulttyq ekonomıka, Indýstrııa jáne ınfraqurylymdyq damý mınıstrligimen, jergilikti atqarýshy organdarmen, Samuryq-Qazynamen, Qazaqgazben birlesip osy tetikti ázirlep, engizýdi tapsyrýyńyzdy suraımyn», - dedi Bolat Aqsholaqov Úkimet basshysy Álıhan Smaıylovtan.
Mınıstr úshinshiden, kógildir otynǵa qol jetkizýdiń ashyq tetigin qamtamasyz etý úshin osy jyly Qazaqgazdyń gazǵa qosylý protsesterin tsıfrlandyrýdy aıaqtaýy kerektigin aıtty.
«Tórtinshi, gazben jabdyqtaý obektilerin jergilikti atqarýshy organdardan Qazaqgazǵa berý jónindegi jumysty jedeldetý usynylady», - dedi ol.
Foto: amp.politeka.net
