Gazdy durys qoldanbaý qaıǵyly jaǵdaıǵa sebep bolady: TJM turǵyndarǵa qatań eskertý jasady
«Gaz aspaptary bizdiń turmysymyzdyń ajyramas bóligi. Biraq, ony durys qoldanbaýdyń saldarynan órt jáne jarylys sııaqty qaıǵyly jaǵdaılar bolyp jatady. Bul týraly qalyń kópshilik bilmeıdi emes, biledi. Alaıda soǵan jetkilikti mán bermeı jatady nemese nemquraıdylyq tanytady. Adamdar kúndelikti kúıbeń tirshilik pen dúnıe tabam dep júrip, úıdegi taban aqy, mańdaı termen tapqan dúnıesinen aıyrylyp qalýy múmkin ekendigin esten shyǵaryp alyp jatady. Eń qorqynyshtysy tótenshe jaǵdaılardyń saldarynan bala-shaǵa, jaqyndarynan da ajyrap qalatyn jaǵdaılar bolady.
Ókinishke qaraı, qazirgi tańda paıda tabý úshin gaz ballondaryn zańsyz saýdalaýmen aınalysatyndar kóbeıip ketti. Osyǵan saq bolý kerek. Sonymen qatar ballondy saqtaý talaptary da nazardan tys qalyp jatady. Aıtalyq olardy kún kózi tıetin ashyq jerde qaldyrmaý, otqa jaqyn jerden aýlaq qoıý sııaqty qaýipsizdik erejelerin nazardan tys qaldyrmaǵan jón. Mundaı jaǵdaıda ballondaǵy suıytylǵan gazdyń aýamen qosylyp jarylysqa qaýipti qospany túzeıtinin esten shyǵarmaǵan jón. Qubyrdyń aqaýynan nemese turǵyndardyń salǵyrttyǵynan bólmege engen gaz da óte qaýipti. Ol jarylýǵa beıim turady. Bul úshin janý kóziniń – sirińe nemese elektr jaryǵynyń ushqyny jetkilikti»,-delingen habarlamada.
Sondaı-aq onda qazirgi tańda órt sóndirý qyzmetkerleriniń qaýipsizdik boıynsha oqytý jáne órttiń aldyn alý jumystaryn júrgizip jatqany aıtylady. Bul baǵyttaǵy buqaralyq aqparat quraldary, jergilikti polıtsııa, «KazTransGazAımaq» AQ JÓF, jergilikti atqarýshy organdar ókilderi jáne volonterlardy qatystyra otyryp órt qaýipsizdigi senbiligi jáne ártúrli órt qaýipsizdigi aktsııalary uıymdastyrylyp jayr.
«Órttiń aldyn alý jáne jol bermeý jumystary turǵyndardyń órt qaýipsizdigine muqııat bolyp, órtke qarsy qorǵanysty kúsheıtýge múmkindik beredi dep úmittenemiz»,-delingen Jambyl oblystyq Tótenshe jaǵdaılar departamenti taratqan aqparatta.
Turmystyq gazdan keletin jarylystarǵa jol bermeý maqsatynda gaz aspaptaryn qoldaný jáne kútim jasaý kezindegi órt qaýipsizdigi erejelerin bilý qajet:
- gaz ballondaryn kóp qabatty (2 qabattan joǵary) turǵyn úılerde qoldanýǵa tyıym salynady;
- gaz aspaptaryn ózdiginen jóndeý jumystaryn júrgizýge bolmaıdy;
- gaz qubarlarynyń aqaýyn ózderińiz jóndemeńizder!.
- ballondy aýystyrý kezinde, jańa jáne qoldanylǵan ballondardyń krandary jabyq ekendigine kózderińizdi jetkizińizder. Aýystyrǵannyn keıin onyń germetıvtiligin (sabyndy kóbiktiń kómegimen) tekserińizder;
- elektr qondyrǵylarynyń, janyp jatqan peshtiń, ashyq ottyń janynda gaz ballonyn aýystyrmańyzdar;
- páterlerde jáne turǵyn úılerde qoldanylatyn gaz ballonynyń kólemi 12 lıtrden aspaýy kerek.
- ballondardy saqtaıtyn qoımalar bir qabatty tez ashylatyn, shatyry joq ǵımarattarda saqtalýy tıis;
- ballondar saqtalatyn bólmedegi terezeler aq boıaýmen boıalýy nemese kúnnen qorǵaıtyn qondyrǵylarmen jabdyqtalýy tıis;
- gaz ballondar kún núrynan jáne jaýyn shashynnan qorǵalýy tıis;
- gaz saqtalǵan qoımada basqa qondyrǵylar men materıaldardyń saqtalýyna jol berilmeıdi;
- gaz saqtalǵan qoıma tabıǵı jeldetiletin bolýy tıis;
- bashmaktary bar gaz ballondar, tiginen qulaýǵa jol bermeıtin arnaıy uıashyqtarda, kletkalarda nemese basqa da qondyrǵylarda saqtalýy qajet. Bashmaktary joq ballondar tiginen ramalarda nemese stellajdarda saqtalady.
- gazdyń shyǵýynyna jol bermeý úshin tamaq ázirleý kezinde, qaınap jatqan suıyqtyqtardy otqa tógilýine jol bermeý qajet.
- jumys sońynda gaz ballonyn sóndirýdi umytpańyz;
- úıden keter kezde gaz plıtany sóndirý jáne ballon kranyn jabýdy umytpańyzdar;
- gaz ıisin anyqtaǵan jaǵdaıda ballon kranyn jaýyp gaz berýdi toqtatý qajet, tez arada esik terezeni ashyp bólmeni jeldetý, ashyq otty paıdalanbaý, elektr aspaptaryn sóndirip tastaý qajet jáne telefon symyn rozetkadan ajyratý jáne gaz qyzmeti mamandaryn «104» telefony arqyly shaqyrý qajet;
- qajet bolǵan jaǵdaıda bólmeden shyǵý jáne kórshilerge bul jóninde habarlaý qajet.
Órtke qarsy erejelerdi meńgerý - bul turmysta jáne óndiriste órttiń oryn alý múmkindigin azaıtý kepili.
Aıta keteıik, 17 sáýir kúni saǵat 5 shamasynda Jańaózen qalasynda eki kireberisten turatyn 12 páterli 2 qabatty turǵyn úıde gaz jarylyp, 4 adam mert boldy.
