Gazdalǵan sýsynnyń búırekke asa qaýipti ekeni dáleldendi
ASTANA. QazAqparat - Gazdalǵan tátti sýsyndardy ishý semizdikke alyp kelýmen qatar, búırektiń qaterli aýrýlaryna da soqtyrýy múmkin. Clinical Journal of the American Society of Nephrology jýrnalyna maqala jarııalaǵan dáriger ǵalymdar osyndaı tujyrym jasady, dep habarlaıdy QazAqparat.
DDSU bergen qazirgi málimetterge qaraǵanda, Jer sharynyń ár úshinshi turǵyny artyq salmaqtan, shamamen 15%-y semizdiktiń aýyr formalarynan zardap shegedi.
Kóptegen dárigerler men ǵalymdardyń aıtýynsha, búgingi tańda munyń basty sebebi - qant jáne tátti sýsyndar. Bular sońǵy on-jyrma jylda búkil álemge tanymal bolyp otyr.
Eki jyl buryn AQSh zertteýshileri gazdalǵan tátti sýsyndardy shamadan tys ishýdiń saldarynan jyl saıyn 184 myń adam kóz jumatyndyǵyn anyqtaǵan bolatyn. Sonyń basym bóligi AQSh jáne Latyn Amerıkasy elderiniń úlesine tıesili.
