Gazdalǵan sýsyn semirtip qana qoımaı, adam aǵzasyn qartaıtady - Ǵylymı zertteý
ASTANA. QazAqparat - Kóptegen zertteý nátıjeleri boıynsha, gazdalǵan sýsynnyń semizdik aýrýyna shaldyqtyratyny anyqtalǵan. Endi gazdalǵan sýsyndar adam aǵzasyn tozdyryp, jasýshalardyń qartaıýyn jyldamdatatyny belgili boldy, dep jazady Meddaily.
Densaýlyq salasyndaǵy saıttyń habarlaýynsha, adamnyń uzaq ómir súrýi jasýshalardaǵy hromosomalardyń sońynda ornalasqan telometrlerdiń uzyndyǵyna baılanysty. Kalıfornııa Ýnıversıtetiniń zertteýshileri júrek-qan tamyrlary aýrýlary men dıabetke shaldyqpaǵan 20 men 65 jas aralyǵyndaǵy 5309 adamnyń sol telometrin ólshegen. Zertteý barysynda gazdalǵan sýsyndy kóp paıdalanǵan adamdardyń telometrleri qysqa bolyp shyqqan. Kún saıyn 0,5 lıtr gazdalǵan sýsyndardy tutyný jasýshylardyń jasyna 1,6 jyldan qosqan. Bul temeki shegetin aǵzaǵa uqsas. Al únemi jattyǵý jasaý adam ómirin shamamen sonsha mólsherge uzartady eken. Mamandardyń aıtýynsha, qysqa telometrler dıabettiń, obyrdyń keıbir túrleri men júrek-qan tamyrlary aýrýlarynyń órship ketýine sebep bolady.
